آپ کا اصل نام اور قلمی نام کیا ہے ؟
ہما وقاص قلمی نام اصلی نام ہما شاہد
نام کا مطلب ؟
خوش بخت خیالی پرندہ
آپ کی تاریخ پیدائش ؟
11 اکتوبر 1986
آپ کی مادری زمین ؟
پنجابی
پاکستان کے لیے کچھ سنہرے الفاظ/کوئ دعا ؟
اللہ پاک ہمارے ملک کو تا قیامت یونہی شاد و آباد رکھے ہر بری نظر سے بچاۓ ۔
کس شہر میں جنم ہوا اور اب کس شہر سے تعلق ہے ؟
رحیم یار خان میں پیداٸش ہوٸ اب فیصل آباد میں ہوتی ہوں ۔
اپنے شہر کی کوئ خاص بات ؟ مشہور جگہ ؟
شہر کی کوٸ خاص بات تو نہیں پتہ البتہ مشہور جگہ گھنٹہ گھر بازار ہی ہے جہاں سات بازار آپس میں ایک جگہ آ کر ملتے ۔
مشہور گلوکار نصرت فتح علی خان فیصل آباد کے تھے ان کی قبر بھی ہیں ہے
آپ کے بہن بھائ کتنے ہیں اور آپ کا نمبر کونسا ہے ؟
میں سب سے بڑی ہوں مجھ سے چھوٹی ایک بہن اور ایک بھاٸ ہے ۔
آپ کی تعلیم مکمل ہو چکی یا ابھی بھی پڑھ رہی ہیں ؟
میری تعلیم مکمل ہو چکی ہے
کیا پڑھ چکی ہیں اور کیا پڑھ رہی ہیں ؟
میں نے کمپیوٹر ساٸنس میں ماسٹرز کیا ہے ۔
ایک بہت ہی دلچسپ سوال جس کے منتظر ہمارے ممبرز ہوتے ہیں……. وہ یہ کہ آپ سنگل ہیں ، انگیجڈ ہیں یا میرڈ ؟
جی میں شادی شدہ ہوں
آپ کی فیملی میں کوئ اور بھی آپ کے علاوہ لکھتا ہے ؟
جی میرا بھاٸ لکھتا ہے ۔
کون ہے وہ ؟
میرا چھوٹا بھاٸ لکھتا ہے ۔ بلال شاہد
لکھنے کا شوق ہوا ، آباء و اجداد میں سے وراثت میں ملا یا کسی رائٹر کی صحبت کا اثر ہوا ؟
جی میرا تعلق اردو ادب سے محبت کرنے والی فیمیلی سے ہے میرے نانا ابا شاعری کیا کرتے تھے میری امی جان کو قصے کہانیاں پڑھنے کا بہت شوق تھا۔ بچپن سے ہی اردو ادب کی کہانیوں کو پڑھا اور لکھنے کا شوق ہوا ۔
شوق ہوا تو کیسے ؟ وراثت میں ملا تو کس سے ؟ صحبت کا اثر ہوا تو کیسے ؟
میری والدہ کو بہت لگاٶ تھا اردو سے وہ اردو کی ٹیچر تھیں ایک سرکاری سکول میں اور ناول پڑھنے کی شوقین تھیں ۔ بس وہیں سے بچپن سے ذہن میں کہانیاں
بننے لگیں۔
گھر والوں نے آپ کے لکھنے پر کیا ردعمل ظاہر کیا ؟
بہت بہت خوش ہوۓ۔ میرا پہلا ناول میں نے میٹرک کے بعد لکھا تھا اور میری
والدہ نے مجھے بہت سراہا تھا ۔
لکھنے کے معاملے میں گھر والوں میں سے کس کی سپورٹ سب سے زیادہ حاصل ہے ؟
میرے شوہر اور میرے چھوٹے بھاٸ کی ۔
کیا آپ کے گھر والے آپ کا لکھا پڑھتے ہیں؟
جی میرا سارا خاندان اردو ادب سے تعلق رکھتا ہے اور میرے پیج پر موجود ہیں مجھے پڑھتے ہیں اور تعریف کرتے ہیں
قلم کاغذ پر لکھتی ہیں یا پھر موبائل لیپ ٹاپ ؟
موباٸل پر ۔
ویسے اکثر لکھاریوں کے پاس ان کی پرسنل ڈائری ہوتی ہے…… کیا آپ کے پاس بھی ہے ؟
جی میں بہت ڈاٸری لکھتی رہی ہوں ایک نہیں ہے بچپن سے لے کر اب تک کی ہیں ۔
آپ نے اب تک کتنے افسانچہ/افسانہ/ناولٹ/ناول لکھے ؟
دو ناولٹ اور چھ ناول
آپ کے ناولز کے سارے کرداروں میں کوئ ایسا کردار جو آپ کے لیے چیلنج بنا ہو ؟
مقسوم کا میسم اور حسنی کا نعمان
کرداروں کے بارے میں کیا کہنا چاہیں گی مطلب کہ آپ کے ناولز میں جتنے بھی کردار ہیں وہ سب حقیقی ہیں یا آپ کے قلم کے ؟
ماہوین میں موجود سارے کرادر حقیقی ہیں باقی سارے ناولز میں قلم کے کردار ہیں تخیل کے
اپنی تحریروں سے کیا پیغام دینا چاہتی ہیں ؟
معاشرتی براٸیوں کا خاتمہ کرنا چاہتی ہوں اور محبت پھیلانا چاہتی ہوں ایک اچھی سوچ کے ساتھ
ویسے اکثر لکھاریوں کے پاس ان کی پرسنل ڈائری ہوتی ہے…… کیا آپ کے پاس بھی ہے ؟
جی ہے
پرسنل ہونے کے باوجود کسی نے چوری چھپے پڑھا تو نہیں ؟ اگر پڑھ لیا اور آپ کو پتا چل گیا تو آپ نے کیا کیا ؟ (اگر آپ کی پرسنل ڈائری ہے تو جواب دیجۓ گا…… ورنہ اسکپ)
جی میرے بھاٸ نے پڑھا ہے اور میرے شوہر نے ۔
کوئ اخبار ، رسالہ ، ڈائجسٹ جسے آپ باقاعدگی سے پڑھتی ہیں ؟
پہلے بہت پڑھتی تھی پر اب نہیں پڑھتی شعاٸع کو اور اخبار جہاں کو بہت پڑھا ہے
آپ کا فیورٹ رائیٹر کون ہے ؟ کس سے انسپائرڈ ہیں آپ ؟
مجھے بانو قدسیہ ، فرحت اشتیاق اور عمیرہ احمد پسند ہیں
آپ کے ناولز میں شاعری بھی موجود ہے کیا وہ آپ کی تحریر کردہ ہے ؟
نہیں وہ صرف میری چواٸس پر مبنی ہے
پھر اپنا پسندیدہ شاعر بھی بتا دیجۓ۔
بہت سے ہیں پر پروین شاکر کو بہت پڑھا ہے ۔
آپ نے آن لائن پلیٹ فارم کیوں چنا ؟
میں دیکھنا چاہتی تھی کہ کیا میرا لکھا لوگوں کو پسند بھی آتا ہے کہ نہیں اور ویسے بھی اب جدید دور ہے تو لوگوں تک بات پہنچانا اس راستے سے زیادہ آسان ہے
کیا آن لائن رائٹر کو معاوضہ ملنا چاہیے ؟
جی بلکل اس کے لیے اقدامات ہونے چاہیں کوٸ ایسا طریقہ جس سے محنت وصول ہو ۔ پر یہ آسان نہیں ۔
پاکستان کی فلم اور ڈرامہ انڈسٹری کے بارے میں کیا کہنا چاہیں گی ؟ کیا فلم ڈرامہ ، انڈسٹری کی شان تک ہی محدود ہے یا دیکھنے والوں پر کچھ مثبت اثرات اثر انداز ہو رہے ہیں ؟
جی بلکل بہت سی اسی معاشرتی پہلو کی عکاسی کرتی ہوٸ فلمیں ہیں جس سے مثبت اثرات قاٸم ہوتے ہیں ۔
فلم/ڈرامہ انڈسٹری کی بات ہو ہی گئ ہے تو یہ بتائیے کہ آپ کی پسندیدہ فلم اور ڈرامہ ؟
ڈرامہ : یقین کا سفر فلم : ہم دل دے چکے صنم
اسکول میں آپ کا فیورٹ سبجیکٹ ؟
ریاضی
اسکول کا کوئ ٹیچر یاد ہے ؟ جسے آپ آج بھی پہچان سکتی ہیں ؟
جی مس مجاہدہ
کونسا ٹیچر تھا…… کس سبجیکٹ کا ؟
انہوں نے مجھے کبھی نہیں پڑھایا میں ان کی خوبصورتی سے متاثر تھی ۔
ٹاپر تھیں یا بیک بینچر ؟
ٹاپر ہمیشہ سے
کوئ یادگار دن جسے آپ کبھی نہیں بھلا سکتیں؟
جب میری والدہ میری شادی کے لیے مان گٸ تھیں جہاں میں چاہتی تھی ۔
زندگی کی سب سے بڑی شرارت ؟
مدرسے جانے کے بجاۓ گھر کے تندور میں چھپ جایا کرتی تھی ۔
کونسا موسم آپ کو سب سے زیادہ پسند ہے ؟
بہار
کیا آپ کے نزدیک باہر کا موسم دل کے موسم پر اثر کرتا ہے ؟
بہت زیادہ
آپ کا پسندیدہ رنگ کونسا ہے ؟
ہلکا گلابی اور ہلکا زنک فیروزی
کیا آپ کے نزدیک رنگ مزاج پر اثر کرتے ہیں ؟
جی بہت زیادہ
آپ کی نظر میں کامیابی کیا ہے ؟
لوگوں کے دلوں میں ایک عزت کا مقام پانا جو ظاہری نہ ہو وہ کامیابی ہے ۔
کامیابی کے حصول کے لیے کس حد تک جانا چاہیے ؟
سر توڑ کوشش کرنی چاہیے پر شارٹ کٹ کا استعمال نہیں کرنا چاہیے ۔ حق حلال جس پر آپکا ضمیر مطمین رہے
غرور اور تکبر کے بارے میں کیا کہنا چاہیں گی ؟ یہ اللہ کو جتنا ناپسند ہے انسانوں میں اتنی تیزی سے سرائیت کر رہا ہے۔
دیکھیں غرور اور اکڑ ایک وقتی جزبہ ہے بعض اوقات ہماری عمر کا وہ دور ہوتا ہے ہم خود کو کچھ سمجھنے لگتے ہیں ۔ پر وقت کے اتار چڑھاٶ سیکھا دیتے ہیں سکون صرف عاجزی میں ہے ۔ اکڑ کے چلنے والے اکثر ٹوٹ جاتے ہیں لچک انسان کو ہر مشکل وقت گزارنے کا حوصلہ دیتی ہے ۔ جس ٹہنی میں لچک نا ہو وہ جلدی ٹوٹ جاتی ہے ۔
بےحسی کے بارے میں کیا کہنے چاہیں گی ؟ یہ تو ایک بہت بڑی بیماری بنتی جا رہی ہے۔
بے حسی ایک ایسا عمل ہے جس کو آج کل اوڑھ لینا ہر انسان اپنی ضرورت سمجھنے لگا ہے۔ کوٸ کچھ بھی کرتا رہے وہ پاس سے گزر جاتے ہیں رحمدل انسان اکا دکا ہی ہیں دنیا میں ۔ میں بہت حساس ہوں پر اس بے حسی کے دور میں حساس لوگ گھٹ گھٹ کر جیتے ہیں ۔ وہ چاہتے ہیں جس طرح وہ دوسروں کا احساس کرتے ہیں باقی بھی ان کا کریں پر ایسا ممکن نہیں ہوتا اور وہ ٹوٹ جاتے ہیں اور بہت سے خود بھی بے حسی کا لبادہ اوڑھ کر دنیا کو اس کے حال پر چھوڑ دیتے ہیں اور صرف اپنی فکر کرتے ہیں ۔ نفسا نفسی کا دور ہے لوگ ایک دوسرے کو نوچ کر بھی سکون میں ہیں ۔
خوابوں کے بارے میں کیا کہنا چاہیں گی ؟ ہر جیتا جاگتا انسان کوئ نہ کوئ خواب تو دیکھتا ہے…… ضروری تو نہیں ہے اس کے خواب پورے ہو جائیں….. اس بارے میں کیا کہنا چاہیں گی ؟ کیا وہ خواب دیکھنا چھوڑ دے ؟ یا تکمیل نہ ہو تو زندگی سے مایوس ہو جاۓ ؟
خواب دیکھنا چاہیں پر ان کی تکمیل کے لیے کٸ گٸ کوششوں پر مایوس ہونے کے بجاۓ یہ سوچنا چاہیے کہ اس میں اللہ تعالی کی کوٸ حکمت ہو گی ۔
سوشل میڈیا کے بارے میں کیا کہنا چاہیں گی؟ اچھی ہے یا بری ؟
اچھاٸ براٸ ہر جگہ موجود ہے ۔ سوشل میڈیا بھی دونوں چیزوں کا ملاپ ہی ہے
نوجوان نسل کے لیے کوئ نصیحت ؟
اپنے والدین کی قدر کریں ۔ ان کو وقت دیں کیونکہ جب وہ اس دنیا سے چلے جاتے ہیں ایسی بے لوث محبت پانے کے لیے آپ ترس جاتے ہیں ۔
نۓ لکھنے والوں کے لیے کوئ پیغام ؟
سستی شہرت کے چکر میں غیر معیاری مت لکھیں ۔ ایسا لکھیں جو آپکے اس دنیا سے جانے کے بعد بھی صدقہ جاریہ بن جاۓ نسلیں تباہ نہ کریں کیونہ آپ تو اس دنیا سے گزر جاٸیں گے پر آپ کا لکھا یہیں رہ جاۓ گا ۔
قارئین کے لیے کوئ پیغام ؟
کہانی کا مطلب صرف محبت اور عاشقیہ داستانیں ہی نہیں ہوتا ۔ اس کے اندر موجود پیغام کو سمجھنے کی کوشش کیا کریں ۔
